Am Rhy, by Bob Moehrley and the Waiters

Am Rhy

by Bob Moehrley and the Waiters

	/

Streaming + Download

Includes unlimited streaming via the free Bandcamp app, plus high-quality download in MP3, FLAC and more.

15 CHF or more
Compact Disc (CD) + Digital Album
10 Track Album

Includes unlimited streaming of Am Rhy via the free Bandcamp app, plus high-quality download in MP3, FLAC and more.

ships out within 7 days

18 CHF or more

1.	Ciao Klima 04:06	lyrics	buy track
Ciao Klima Ciao Klima, Ciao Klima - Oh je-e zersch isch heiss und denn wird`s chalt Ciao Klima, Ciao Klima - Oh je-e Es Iis schmilzt scho bald isch d`Erderwärmig vo Mensche gmacht ? sind`s fossili Brennstoff oder übertribne Fleischkonsum wieso verlügnet üs d`Wirtschaft dass de Meeresspiegel stiegt und im Winter kei Schnee meh fallt - bi üs wird`s niemeh chalt ! Ciao Klima, Ciao Klima - Oh je-e i wenige Johr sind d`Gletscher furt Ciao Klima, Ciao Klima - Oh je-e Unwetter und Wirbelstürm immer meh Fluetkatastrophe immer meh Dürreperiode Wüesti breitet sich us und de Hunger töted Millione so bremsed doch endlich eui zügellosi Gier und hebed dem verdammte Planet mol Sorg, es git nämmli nu eine de Mensch isch e Plohg ! Es git scho en Huufe Studiä wo säged, dass Temperature stieged und noch em Stiiege chunnt de Fall Moderni Messige machets zimmli klar all die grosse Gwässer sind mittlerwile zwarm d`Ernte nehmed stetig ab d`Forscher schlönd Alarm d`Erde tuet sich wehre und d`Sunne verbrennt üs s`Land sie wird sich nid um üs schehre und setzt üs d`Wälder in Brand und s`Wasser wird üs überspüele de ganzi Müll i`s Meer und wenn jetzt no eine bättet im Glaube a so`ne Mär dass üs irgend so en Gott no rettet das z`verschtoh - isch würkli schwähr !
2.	Gibbelig 04:45	lyrics	buy track
Gibbelig ! Selber flicke – hemmer verlernt und isch öppis kaputt – chaufemer`s neu Jammered wenn`s nid grad goht und nid drin isch - wa druf stoht drum gömmer mol in Lade i`s Chaufhuus i de Stadt so ne grossi Uuswahl – und hütt git`s no Rabatt es git no Pünkt, wenn`d s`richtig Chärtli zücksch villicht en Gwünn, wenn`d e guets Lösli tüpfsch mached sie mit und sammled sie Chläber wenn sie wännd so guet si, es choschted nüt zögered sie nöd und chömed sie ine üsi Sonderangebot und Aktione sind hine aber a de Kasse hät`s e Schlange, scho wieder Stau ! de Chärtliläser hätt e Panne, de Bildschirm bliibt grau ! Uh - goht`s no lang? Uh - bi scho ganz chribbelig Uh - goht`s no lang? Uh - bi scho ganz gibbelig Shopping als einzige Ziitvertrieb will`s wiedermol super Schnäppli giht Duftsüüle sorged für Wohlgefühl stinke tuet`s aber noch Wohlstandsmüll e netti Dame hätt mir en Guetschi gschänkt dä hani aber grad innnere Tolle versenkt und Dope – da han i dänkt – chasch do niene finde ha scho überall gluegt, bis z`hinderscht hinde Härdöpfel, Socke und Banane chasch fasch bis in Lade inefahre mit em Iichaufswägeli dur die volle Gstell muesch nid träge und goht ersch no schnell aber a de Kasse hät`s e Schlange – scho wider Stau ! de Chärtliläser hätt e Panne – de Bildschirm bliibt grau ! Uh - goht`s no lang? Uh - bi scho ganz chribbelig Uh - goht`s no lang? Uh - bi scho ganz gibbelig aber a de Kasse…
3.	Pflanze 04:21	lyrics	buy track
Pflanze Immer no verbote – sogar als Medizin prediget Liberali und schlucked Aspirin D`Mafia lacht – d`Prise sind tabu de Staat hätt kein Plan und lueged nume zue Balkon – selber pflanze uf em Balkon – zwüsched Geranien ! Bruchsch nu paar Sömli und chli Geduld Guerilla Gardening isch jo scho Kult nu paar Hohlchöpf dött une in Bern unterstützed lieber Chemiekonzern Balkon – selber pflanze uf em Balkon – sicher nöd indoor ! Balkon – selber pflanze uf em Balkon – zwüsched Geranien ! Blätter im Herbst tanzed i de Luft im Garte - ganz en bsundre Duft Vermummti mit Knarre stönd vor em Huus und bald fallt scho de erschti Schuss Kiffer – verschüsse im Garte – zwüsched Tomate ! pflanze im Garte Pflanze, wachsed im Garte Pflanze, gedeihed guet im Garte Pflanze, spriessed im Garte Syngenta und Monsanto züchte under Lampe, hochpotente Wirkstoff, künstliche Dünger, Kiffer immer jünger, werded immer dümmer und dä Stoff isch Shit ! Heyhey ! Pflanze uf em Balkon pflanze uf em Balkon pflanze, pflanze, pflanze uf em Balkon Pflanze im Garte pflanze Pflanze zwüsched Tomate, pflanze sicher nöd im Triibhuus, pflanze Pflanze zwüsched paar Blueme, pflanze ganz sicher nöd indoor.
4.	Chumm mit 04:33	lyrics	buy track
Chumm mit ( Piratelied ) Hochnäbel macht de Tag so trüeb drum bin ich au ständig müed de Deckel us Dunst macht mi chrank under em Smog en üble Gstank en graue Schleier schwebt schwärelos Füechti dringt i Gflecht und Moos d`Chälti goht dur Mark und Bei jetzt muess ich denn öppe hei de Winter isch zwor unagnehm aber es läbt sich halt scho saubequem zu jeder Ziit chasch alles ha vo Politiker chunnt nu Blablabla Mehrheit regiert i de Demokratie d`Bevölkerig schwelgt in Apathie wählt di Gliche treu und dumm läbd wie d`Fisch im Aquarium Fremdi sind stets a allem Schuld so eifach isch`s nid – bissoguet verstönd ihr jetzt wa`n ich mein ich ghöre nid zu dem Verein Chumm mit dött ane wo d`Sunne schiint Ich sehn mich so noch Wälle und Wind de Himmel do isch immer grau ohni mich goht`s sicher au ! Billigflüg chotzed mich a Weiss nid wo n`ich söll anegoh Jamaica wär scho lang en Traum oder Pazifische Ozean Irgendwo wo`s Pfeffer git nimm nume mini Gitarre mit loh de ganzi Kram do si und probiere mol chli Anarchie Schenk min Pass a me n`Immigrant verloh mis Heimatland weniger isch meh heisst`s so schön versuechs jetzt mol a`s Kapitän plündere Chrüüzfahrtschiff als Pirat gründ` min eigne Schurkestaat spiele so chli Robin Hood verteile di gstohlne Ware guet trinke Rum und schwimme mit Delfin bi so froh, dass ich gange bin Freiheit isch meh wert als viel Geld Drum reis`ich jetzt um die ganzi Welt !
5.	Ohni Strom 05:07	lyrics	buy track
Ohni Strom Wo git`s Strosse – ohni Vercher wo git`s Freiheit – ohni Gwehr wo git`s z`Esse – ohni Gift wo git`s Berge – ohni Lift suubers Wasser – us em Hahn wo git`s Suppe - ohni Glutamat und Billeet – ohni Automat wo git`s Heimat – ohni Stolz s`giht kein Wald – ohni Holz suubers Wasser us em Bach Glück isch - ohni Strom E guets Karma - de Lohn Glück isch - ohni Strom e guets Karma. wo git`s Liebi – ohni Vertrag wo git`s Gärte – ohni Hag wo git`s Wärmi – ohni Heizig wo git`s Arbet – ohni Bildig wo git`s Fueter – ohni Verpackig bliibt halt nid so - knackig wo git`s Gsetz – ohni Verbot wo git`s Lüüt mit chli Muet wo git`s Erfolg – ohni Gier wo git`s Spass – ohni Bier ..isch`s halt scho chli - stier Glück isch - ohni Strom E guets Karma - de Lohn Glück isch - ohni Strom e guets Karma. wo git`s Luft – ohni Staub s`giht kein Herbst – ohni Laub s`giht kei Platte – ohni Chrätz kei Entüschig – ohni Lätsch s`giht kei Hoffnig – ohni Friede mir sind jo gar nid so verschiede.
6.	Scho wieder stinkts 05:30	lyrics	buy track
Scho wieder stinkt`s ! Hütt gang i in Uusgang – morn han i frei doch scho im Huusgang – stoht d`Polizei i de Wäschchuchi - lieht e Liich im ganze Stägehuus - schmöcksch dä Mief jo nu – jo guet – jetz gang ich jo furt gschlüsse ab - und nimm de Huet, lauf zur Busstation - und stell mich hi de Bus chunnt a – ich stiege i de Bus isch voll – s`hätt fasch kei Platz mir isch nümme wohl und`s stinkt noch Fürz näb de Türe blieb ich stoh – denn chann i de Gstank - schnell verloh zum Glück isch mini Kneipe nüme wiit doch nu ein Schritt und ich stand im Shit en Hundegagel - frisch und weich so`ne Päch – was für en Seich ich go zum Brunne und wäsche mer d`Schueh mit einer Hand - heb d`Nase zue jetz han ich aber e Bier verdient vo Grüch bi ich für hütt – voll bedient i de Beiz – s`isch grad Saison ich glaub`s jo nö – Bärlauch Pesto ! scho wieder stinkt`s was für en Duft / was für en Gruch da haltsch nöd us do kriegsch kei Luft / diä stinkig Luft en laue Wind blost dur Gass irgendöppis stinkt furchtbar krass en Kebab Stand und en Würstli Grill langsam wird`s mir eifach z`vill und denn chunnt dä Typ mit däre Frucht en Schlag i d`Nase – volli Wucht si seg schön riif und furchtbar gsund soöppis gisch – nid emol me Hund en fuule Fisch schmöckt grad no guet mit däre Frucht jagsch jedä furt schnell hau i ab, wiit wäg vo do loh dä Typ eifach im Räge stoh scho e chli – e feigi Flucht isch mir gliich – bruch jetzt frischi Luft scho wieder stinkt`s was für en Duft / was für en Gruch da haltsch nöd us do kriegsch kei Luft / diä stinkig Luft was für en Gstank und dä Gstank macht mi no ganz chrank !
7.	Am Rhy 03:10	lyrics	buy track
Am Rhy s`hätt kei Haifisch und au kei Stross en alte Holztisch im hoche Gras s`hätt e Sofa und e paar Stüehl chunsch mit em Mofa, denn is chli chüel s`hätt e Füürstell, en Huufe Leerguet paar alti Schooffell und au en Teechrueg s`hätt en Färnseh und e Schaukle i de Nacht chasch d`Stärn g`seh und dörfsch no rauche dött une am Rhy hätt`s en schöne Platz tschille und schmuse mit dim Schatz am Samstig Obig is en heisse Tipp schwimme und tanze – so blibsch fit ! s`hätt au Bäum mit lange Äst gnueg Schatte für alli Gäst s`hätt au e Klo, mengmol paar Ente chasch immer cho, s`isch fast scho Trend he s`hätt au e Beizli mit Kafi und Glacé chasch richtig frei si, s`isch en riese Spass he s`hätt au no Böötli und en Sprungturm ganz feini Brötli und e sältes Sumpfhuehn s`hätt paar Hängematte und au Spielzüg en pflägte Garte und g`hörsch kei Flugzüg dött une am Rhy hätt`s en schöne Ort me trifft sich do und tribt zäme Sport am Samstig Obig is` en heisse Tipp do git`s sit Johre de beschti Shit ! Jo-jo loss guet si ! s`isch doch nu Spass gsi so en Ort git`s nid ! – und au kei Shit !
8.	Din letschte Joint 05:44	lyrics	buy track
De letschti Joint Weisch no letscht Summer, wo me`r go wandere sind ? uuhh – din letschte Joint scho fasch e Johr- wie goht das gschwind uuhh – din letschte Joint i däre Hütte obe uf de Alp uuhh – din letschte Joint churz vor em Gipfel bi`me Zvieri Halt uuhh – din letschte Joint weisch da Gras vo dem alte Senn uuhh – din letschte Joint mit dir elei - oh - wie schön uuhh – din letschte Joint und denn simmer i`ne Gwitter cho uuhh – din letschte Joint hend nüme chönne wiiter go uuhh – din letschte Joint s`hätt ghaglet und gstürmt – wie no nie uuhh – din letschte Joint guet simmer i diä Hütte n`ie uuhh – din letschte Joint hend graucht und glacht di ganzi Nacht uuhh – din letschte Joint hend üs warmi Suppe gmacht uuhh – din letschte Joint am Morge denn uf de Gipfel ue uuhh – din letschte Joint mit rauchige Chleider und nasse Schueh uuhh – din letschte Joint en Uusblick über`s Näbelmeer uuhh – din letschte Joint noch em Uufstieg – so steil und schwer uuhh – din letschte Joint Erinnersch di an letschte Joint ? wo mer zäme inezoge händ lang isch`s her aber immer no präsent völlig durchnässt i däre Hütte pennt. uuhh – din nögschte Joint uuhh – din letschte Joint Nögschmol gömmer a`s Mittelmeer uuhh – din nögschte Joint im Mai sind dött d`Stränd no leer uuhh – din nögschte Joint Picknick im Olivehain uuhh – din nögschte Joint Chäs und Brot – weisch wie fein uuhh – din nögschte Joint guete Kafi und d`Tomate frisch uuhh – din nögschte Joint uf weichem Gras bruchsch kein Tisch uuhh – din nögschte Joint doch Chilli und d`Bulle sind dött scharf uuhh – din nögschte Joint und hettet`s gern für Eigebedarf uuhh – din letschte Joint drum gib acht wo de Wind hiweiht uuhh – din nögschte Joint dass kei Gluet uf de Bode gheit uuhh – din nögschte Joint Waldbrandgfohr isch au en Grund uuhh – din nögschte Joint pass uf dass kei Füür achunnt uuhh – din nögschte Joint denn mietemer villicht e Sägelschiff uuhh – din nögschte Joint und schnorchlet dur die schöne Riff uuhh – din nögschte Joint gönned üs en letschte Joint au schöni Feriä hend es End freued üs aber jetzt scho fest und rauched no de letschti Rest 2x uuhh – din nögschte Joint isch din letschte Joint
9.	Gauner (schwierigi Ziit) 05:59	lyrics	buy track
Gauner ( Schwirigi Ziit ) schwirigi Ziit ! Uh – nanananana läbsch innere schwirigi Ziit. d`Stross isch mengmol steil de Hügel so hoch wie`nen Berg kei Hindernis z`gross mir kenned üsern Weg im Glaschlotz z`oberscht obe, sind d`Store dunne, keine vo dene gseht Sunne und all sind nume frustriert und wenn d`so eine triffsch, im Kafi oder oder innere Bar, denn klagt er sie`s Leid trotz sim Huufe Stutz Egoismus, Chole und Niid sind Bürde vo üsere Ziit und all die Gauner verwaltet Bsitz und Kapital Läbed innere schwierige Ziit es dreiht sich alles nume um de Stutz und all die Gauner hüfed no meh a s`isch kei Bessrig in Sicht alli tüend brav ihri Pflicht und all die Gauner lached sich i`d Fuscht mit Nüt goht`s üs trotzdem guet denn mir hend Rhythmus im Bluet und niemer cha üs – üsi Musig näh Gsehsch die Mensche mit Macht Es goht nümme lang bis`s kracht Luegemer wer z`letscht denn no lacht Mir tanzed stolz und mit Freud und vergessed so üses Leid und all die Gauner zehled nu en Huufe Papier Ref: Läbed innere schwierige Ziit… Und s`Läbe isch hart en Berg vo Sorge wo quält die meiste hend de Wäg aber selber gwählt Uh – s`isch gar nid so schlimm Üsi Lieder gänd üs e Stimm und diä wo nid losed sind selber schuld drum tanzed und schüttled eui Hoor es droht üs nu gringi Gfohr Jah`n Babylon isch immer do Mir schissed uf Riichtum und Bsitz das isch doch alles en Witz und freued üs über Gsundheit und Spass es giht kei Wunder ! – nei sicher nid Skepsis haltet üs fit und kapituliere tüend mir nid ! Ref: Läbed innere schwierige Ziit…

about

10 Tracks recorded in September 2021, released Mai 2022

credits

released January 5, 2022

license

about

Bob Moehrley And The Waiters Switzerland

Man könnte meinen, sie seien direkt vom Karibischen Meer den Rhein heraufgespült worden und hier in der Rheinstadt gestrandet: Bob Moehrley & the Waiters.
Hier gibt es wahrlich etwas Neues zu entdecken.